Am beschta isch‘s, wenn mr oifach vrzellat, was mir send, wia mir send ond wo mir send.

Kloina Krotta hand au a Gift, sait ma bei eis. Mir send a kloina Mannschaft aus Buaba ond Föhla, dia alle Möglichkeita vo rar großa Werbeagentur mit ama bsondra Goischt aus rarn übrschaubara, halt scho fascht familiära Zemaschaffa abieta ka. Zescht kommat bei eis d Idea aus eisra Hiard ond it wia so oft en dr Werbebranche a Gschroimaulerei am Hierarchia ond gschpässiga Urkonda.

Für an Größawahn send mr z kloi, abr für nuie, moderne Idea (die wachsat bei eis wiea d Butzaschtengl) send mr dia richtig Adress. Onsre feschta ond freia Kollega wissat aus dr Erfahrong mit ond für d Konda, wia ma a Problem glei am reachta Ponkt apackt.

Bei eis isch‘s it so wia en deam alta Schpruch: „Wer an Aal vrheba will am Schwanz, deam bleibt r halb it ond it ganz“! Wie schtark mir geerdet send zoigt a andrer Schpruch aus m scheena Allgäu: A Polizischt haut a Problemlösong so beschrieba: „Guat isch‘s ganga, mir sex hand sieba gfanga.“!

Wer mir send.

[Translate to Allgäuerisch:] Matthias Manske - Werbeagentur Allgäu

MATTHIAS MANSKE

Grafiker · Inhaber · Kreativkopf (des isch oinr, dear da Grend it bloß z obrgescht doba haut, damit s eam it en da Halz neireagnat)

Jana Widler

JANA WIDLER

Mediengestalterin

Marion Feneberg

MARION FENEBERG

Mediengestalterin

[Translate to Allgäuerisch:] Ulrike Treppesch

ULRIKE TREPPESCH

Werbekauffrau

[Translate to Allgäuerisch:] Webdesign Allgäu

MICHAEL HOEFLER

Webdesign · Programmierung

[Translate to Allgäuerisch:] Barbara Manske

BARBARA MANSKE

Buchhaltung · Backoffice

EVA SÖLTER

Kommunikationsdesignerin

Julia Hauth

JULIA HAUTH

Texterin

[Translate to Allgäuerisch:] Aloisius

ALOISIUS

Eisr Katzabaula isch d oinzig Mitarbaitr, bei deam it bloß d Arbat schnurrat.

Mir hand mit eis, für eis ond om eis romm ganz wichtiga Leit, wie Fotografa, Leit, dia mit dr deitsch Schproch en rar Liebschaft vrbonda send, also Textr ond au Druckereia. Mit eisrer Filosofie, eisra Partner ond eisram Schtandort ka ma alle Konda en Maßanzug an Idea abieta. Eisre z‘friedena Konda, vom Mächlar bis zom Konzern zoigat eis, dass dr eigschlagene Weg nach Bad Grönabach nei ond vo dort en d Welt naus dr beschte Weg gwea isch ond sei witt.

WAS MR ÜBR EIS NO SAGA WÖLLAT:

Mir kennet en dr Werbong d alt Kaufmannsehrbarkeit, send abr au en dr nuia Medienwelt mit eisra alta Wert drhoi. En eisrar Mannschaft geit s koine Schpribeitl, dia a Kondschaft dosohrat schwätzat. Mir dont it wäh ond hochnäseg rommgenkala, sondrn mr schwätzat ond denkat jo, daß bsondra Aliega ond Kondawensch bei eis z obrgescht doba schtandat. Mir kochat wia dia andra Buscht au bloß miit Wassr. Abr des Wassr en eisrm Gai omanand haut schon en bsondra Schlanz. Drom haut ja dr weltberühmt Wassrdoktr, dr Pfarr Kneipp sei Wassrkur em Ontrallgäu erfonda. Der isch wia au dia andra Allgäuer scho oadala wijf ond konschtruktiv gwea.